بِسْمِ اللهِ الرَّحْمَنِ الرَّحِيْمِ
اَلْحَمْدُ لِلَّهِ رَبِّ الْعَالَمِيْنَ,
حَمْدَ النَّاعِمِيْنَ, حَمْدَ الشَّاكِرِيْنَ, حَمْدًا يُوَافِيْ نِعَمَهُ
وَيُكَافِىءُ مَزِيْدَهُ, يَارَبَّناَ لَكَ الْحَمْدُ كَمَا يَنْبَغِيْ لِجَلاَلِ
وَجْهِكَ الْكَرِيْمِ وَعَظِيْمِ سُلْطَانِكَ. اَلّلَهُمَّ صَلِّ وَسَلِّمْ عَلَى
رَسُوْلِكَ وَنَبِيِّكَ مُحَمَّدٍ وَعَلَى اَلِهِ الطَّيِّبِيْنَ وَاَصْحَابِهِ
اَجْمَعِيْنَ.
Yaa Allah, kula nyuwun pangreksa
dhumateng Panjenengan saking pangridunipun syétan ingkang dipunranjam.
Kanthi nyebut asmanipun Allah ingkang
Maha Welas lan Maha Asih. Sadaya pangalembana punika kagunganipun
Allah ingkang mangérani sadaya alam.
Yaa
Allah, ingkang Maha Welas lan Maha Asih, mugi kersa paduka
paring welas lan asih dhumateng kula lan sadaya ingkang sami rawuh wonten ing
Walimatul Hajji punika.
Yaa Allah,
ingkang Maha Wicaksana, mugi kersa paduka paring pangapunten dhumateng kula lan
Bapak Drs. Mukhlis lan garwa. Mugi kersa Paduka kepareng nambahi sangu taqwa
dhumateng Bapak Drs. Mukhlis lan garwanipun ugi dhumateng tiyang sepuh kalihipun
Bapa lan Ibunipun ingkang insya Allah badhé tindak hajji benjang dinten Kamis Kliwon surya kaping 28
Dzulqa’dah 1434H/03 Oktober 2013. Mugi kersa Paduka gampilaken sadaya kesaénan
dhumateng Bapak Mukhlis lan garwanipun saha Bapa lan Ibunipun wonten ing papan
pundi kemawon lan wekdal punapa kemawon.
Yaa Allah,
ingkang Maha Kuwaos, kula nyuwun titip dhumateng Panjenengan Dzat ingkang boten
badhé ical titipan-Ipun, sawatawis Bapak Drs. Mukhlis bidhal hajji sadaya anak lan putra asuh panjenenganipun, saha sadaya amanah ingkang Panjenengan paringaken
dhumateng panjenenganipun ingkang dipuntilar, kula
pasrahaken dhumateng Panjenengan. Lan badhé dipunsuwun
malih bénjang manawi panjenenganipun sampun wangsul saking ngibadah hajji.
Yaa Allah, mugi kersa Paduka maringi
dhumateng Bapak Drs. Mukhlis lan kaluwarganipun bagas kasarasan, lan
kawilujengan wiwit bidhal ngantos bénjang wangsul saking tanah suci Makkah
Al-Mukaramah lan Madinah Al-Munawarah. Mugi ngibadah hajjinipun kalebet
éwonipun tiyang ingkang hajjinipun Mabrur. Lan saget njagi kemabruranipun
ngantos benjang sowan dhumateng ngarsa Panjenengan.
Yaa Allah, mugi kersa Panjenengan
paring kalegan lan kepuasan dhumateng sadaya rezki ingkang panjenengan paringaken
dhumateng kula, lan paring berkah sadaya peparing Panjenengan. Mugi kersa
paduka paring lintu sadaya peparing Panjenengan ingkang ical kanti lintu
kesaénan.
Ya Allah, keparenga kula nyuwun
tambahing rahmat lan fadhilah Panjenengan, jalaran boten wonten ingkang
kagungan rahmat lan fadlilah, kajawi namung Panjenengan piyambak.
Dhuh Gusti Pangeran kula, mugi
sampun Panjenengan dadosaken manah kula sedaya punika condhong dhumateng
tumindak ingkang sasar, sasampunipun Panjenengan paring pitedah dhumateng kula sadaya, lan mugi Panjenengan
paringaken dhumateng kula sadaya rahmat saking ngarsa Panjenengan, keranten
sejatosipun inggih namung Panjenengan piyambak ingkang Agung peparingipun
rahmat.
Yaa Allah Pangeran kula, mugi
kersa Panjenengan paring kesahénan
dhateng kula wonten ing donya, lan ugi kesahénan benjang wonten ing akhirat, lan
mugi panjenengan reksa dhateng kula saking siksa Neraka.
اَلَّلهُمَّ زَوَّدَكَ التَّقْوَى, وَغَفَرَ
ذَنْبَكَ, وَيَسَّرَ لَكَ الْخَيْرَ حَيْثُ مَا كُنْتَ.
أَسْتَوْدِعُكُمُ اللهَ الَّذِيْ لاَ تَضِيْعُ
وَدَائِعُهُ.
أَسْتَوْدِعُ اللهَ دِيْنَكَ وَأَمَانَتَكَ
وَخَوَاتِيْمَ عَمَلِكَ.
اَلَّلهُمَّ
اجْعَلْهُ حَجًّا مَبْرُوْرًا وَسَعْيًا مَشْكُوْرًا وَذَنْبًا مَغْفُوْرًا
وَعَمَلاً صَلِحًا مَقْبًوْلاً وَتِجَارَةً لَنْ تَبُوْرَ. يَا عَلِمَ مَا فِيْ
الصُّدُوْرِ أَخْرِجْنَا مِنَ الظُلُمَاتِ إِلَى النُّوْرِ.
اَلَّلهُمَّ قَنِّعْنِيْ بِمَا رَزَقْتَنِيْ,
وَبَارِكْ لِيْ فِيْهِ, وَخْلُفْ عَلَيَّ كُلَّ غَائِبَةٍ لِيْ بِخَيْرٍ.
الَّلهُمَّ
إِنَّا نَسْأَلُوْكَ مِنْ فَضْلِكَ وَرَحْمَتِكَ, فَإِنَّهُ لاَيَمْلِكُ إِلاَّ
اَنْتَ.
رَبَّنَا
لاَتُزِغْ قُلُوْبَنَا بَعْدَ اِذْ هَدَيْتَنَا وَهَبْلَنَا مِنْ لَدُنْكَ
رَحْمَةً إِنَّكَ اَنْتَ الْوَهَّابُ.
رَبَّنَا
ءَاتِنَا فِي الدُّنْيَا حَسَنَةً وَفِي اْلآخَرَةِ حَسَنَةً وَقِنَا عَذَابَ
النَّارِ.
وَصَلَّى
اللهُ عَلَى نَبِيِّنَا مُحَمَّدٍ وَعَلَى اَلِهِ وَاَصْحَابِهِ اَجْمَعِيْنَ.
سُبْحَنَ
رَبِّكَ رَبِّ الْعِزَّةِ عَمَّ يَصَفُوْنَ, وَسَلَمٌ عَلَى الْمُرْسَلِيْنَ,
وَالْحَمْدُ لِلَّهِ رَبِّ الْعَالَمِيْنَ.
-=(hms, 200913, 09.41)=-
