SADÉ TINUMBAS INGKANG KAPEKSA

SADÉ TINUMBAS INGKANG KAPEKSA

السلام عليكم ورحمة الله وبركاته

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ. اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن. قَالَ اللهُ تَعَالَى فِي الْقُرْآنِ الْكَرْمِ:

يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ.

Hadirin Jama’ah Jum’ah ingkang dipunsayangi Allah Subnahu wa Ta’ala,

Puji syukur tansah kita aturaken  dhumateng Allah Subhanahu wa Ta’ala ingkang mirsani sadaya ingkang kasat mripat lan ingkang ghaib, boten wonten ingkang lepas saking pamirsanipun Allah Subhanahu wa Ta’ala SwT dhateng sadaya ingkang badhé dipunlampahi lan ingkang sampun dipunlampahi sadaya makhluk-Ipun.

Shalawat lan salam kita aturaken dhumateng junjungan kita Rasulullah salallahu ‘alaihi wasalam ingkang sampun maringi tuntunan gesang, tuladha ingkang sahé dhumateng sadaya umat.

Hadirin Jama’ah Ju’mah ingkang dipunmulyakaken Allah Subnahu wa Ta’ala,

Agami kita inggih agami Islam, sampun paring pranatan kanggé ummatipun gegayutan kaliyan sadaya kabetahan ngagesangipun, kalebet sasambetan tiyang satunggal lan satunggalipun, ingkang kawastanan “Mu’amalat”. Mu’amalat ingkang magayutan kaliyan bandha sadé tinumbas (ba’i), séwa manyéwa,  warisan, adad biasanipun dipuntambah tembung “Maaliyah”, tegesipun “bandha”. Hananging wonten wekdal sapunika tembung mu’amalat konotasinipun inggih punika “Mu’amalat Maaliyah”.

Allah Subhanahu wa Ta’ala dhawuh:

يَا أَيُّهَا الَّذِينَ آمَنُوا لا تَأْكُلُوا أَمْوَالَكُمْ بَيْنَكُمْ بِالْبَاطِلِ إِلا أَنْ تَكُونَ تِجَارَةً عَنْ تَرَاضٍ مِنْكُمْ وَلا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا (٢٩)

“Hé wong-wong kang padha iman, sira aja padha mangan bandha duwèkè sapadha-padhamu kanthi cara kang bathil, kajaba nganggo cara dagang kang wus kelaku kanthi padha rilané ing antarané sira. Lan sira aja nganti padha matèni awakmu dhéwé;  satemené Allah kuwi Welas Asih marang sira”. (QS. An-Nisa’ [4]:29).

Ayat punika paring pitedah dhumateng kita sadaya supados anggèn kita nindakaken mu’amalat kanthi gegondhèlan syari’at samesthinipun jumbuh kaliyan pranatan Islam.

Hadirin Jama’ah Ju’mah ingkang dipunmulyakaken Allah Subnahu wa Ta’ala,

Wewaton  ingkang sampun gumathok bilih sadé tinumbas barang ingkang kapeksa punika hukumipun dipunawisi déning syara’, ananging wonten ing satunggaling wekdal sadé tinumbas kapeksa boten dipunawisi; tegesipun dipunhalalaken syari’at. Kados umpaminipun tiyang dipunpeksa sadé pasitèn lan griyanipun jalaran kénging proyèk margi ageng, utawi fasilitas umum kados masjid, griya sakit, terminal, stasiun, lan sapanunggalanipun.

Awit saking punika sadé tinumbas kados kasebat hukumipun sah sanajan dipunpeksa, kanthi syarat pihak panguwaos utawi pamerintah maringi ganti rugi ingkang adil, layak, lan jumbuh kaliyan regi umumipun.

Bab punika adhedhasar kados kawicaksananipun khalifah Umar bin Khattab radliyallahu ‘anhu arikala nggusur pasitèn lan griya-griya ingkang caket kaliyan sakiwa tengenipun Masjidil Haram, lan panjenenganipun maringi ganti rugi dhumateng para tiyang ingkang kagungan griya lan pasitèn ingkang kénging panggusuran. (Atsar Riwayat Al-Baihaqie).

Kawicaksanan punika lajeng dipundadosaken ugeran déning khalifah sapungkuripun. Kados jamanipun khalifah Utsman bin Affan radliyallahu ‘anhu jalaran kaum muslimin ingkang sami ziarah dhateng Mekkah tansah tambah kémawon saben dintenipun, lajeng panjenenganipun nambah wiyaripun Masjid Al-Haram ugi kanthi tumbas pasitèn lan griya-griya sakiwa tengenipun Masjid Al-Haram kanthi maringi ganti rugi. (Atsar Riwayat Az Raqy).

Sadé tinumbas ingkang kapeksa kanggé kapentingan umum punika dipunleresaken lan dipunkukuhaken déning Majma’ Al-Fiqh Al-Islami kanthi Serat Pangenceng nomor: (29) 4/4 tahun 1988M.

Hadirin Jama’ah Ju’mah ingkang dipunmulyakaken Allah Subnahu wa Ta’ala,

Kalebet sadé tinumbas (ba’i) kapeksa inggih punika transaksi ingkang dipunwastani “akad iz’an”, bilih pihak ingkang kiyat ékonominipun meksa regi lan syarat-syaratipun dhatengaken kauntungan dhumateng piyambakipun tumrap pihak ingkang sèngkèk ékonominipun lan boten hanggadhahi kekiyatan panguwaosan, kados umpaminipun transaksi pemasangan instakasi toya resik saking PDAM, télpon, listrik, angkutan umum, lan sapanunggalanipun.

Gegayutan kaliyan perakawis punika para pelanggan boten saged babar pindhah ngéwahi regi saha persyaratan ingkang dipundamel déning perusahaan ingkang maringi layanan. Lan manawi boten nyarujuki, piyambakipun badhé boten pikantuk layanan ingkang dipunbetahaken. Aqad punika dipunleresaken déning Majma’ Al-Fiqh Al-Islami kanthi Serat Pangenceng nomor: 132 (6/4) Tahun 2003.

Hadirin Jama’ah Ju’mah ingkang dipunmulyakaken Allah Subnahu wa Ta’ala,

Tiyang gesang punika boten mesthi ajeg, pikantuk margi ingkang tansah mulus, hananging anuju satunggaling wekdal kita kedah hangadhepi lan hamanggihi kawontenan ingkang hambokbilih boten kanyana-nyana, lan ugi boten kita ajeng-ajeng sadèrèngipun.

Anuju satunggaling wekdal kita kedah hangadhepi perkawis ingkang kapeksa sadé barang ingkang mesthinipun boten kedah kita sadé. Inggih jalaran kawontenan kapeksa kedah sadè barang ingkang aji, kados umpaminipun anak nandhang sakit, anak betah arta kanggé bayar sekolah, tiyang sepuh kita betah arta ingkang kedah dipuncekapi, lan sapanunggalanipun.

Gegayutan kaliyan perkawis punika kedah sadé barang ingkang hambokbilih kapeksa dipunsadé kanthi mirah jalaran kawontenan handhesak lan boten wonten malih ampilan arta ingkang tanpa bunga riba. Awit saking kawontenan punika kepeksa sadé barang kanthi regi mirah sangandhapipun regi umum.

Sadé tinumbas kados makaten punika mayoritas para ulama hanggadhahi pinanggih bilih sadé tinumbas kados makaten sah hukumipun. Jalaran tiyang ingkang tumbas handhèrèk ngènthèng-ngènthèngaken tiyang ingkang sadé.

Hadirin Jama’ah Ju’mah ingkang dipunmulyakaken Allah Subnahu wa Ta’ala,

Ing wasana mugi-mugi para pangemban panguwaos tansah gegondhélan paugeran ingkang sampun gumathok, inggih kanthi cara syar’i, ingkang salajengipun boten badhé nuwuhaken fitnah lan handhatengaken kapitunan dhumateng tiyang kathah.

Amin Yaa Rabbal ‘Alamin.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

-=(hms,160916, 07.08)=-

BANDHA HARAM DIPUNPIKOLÈH SAKING KEDZOLIMAN

BANDHA HARAM DIPUNPIKOLÈH SAKING KEDZOLIMAN

السلام عليكم ورحمة الله وبركاته

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ, وَنَعُوْذُ بِاللهِ مِنْ شُرُوْرِ اَنْفُسِنَا وَسَيِّئَاتِ أَعْمَالِنَا, مَنْ يَهْدِ اللهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ, وَأَشْهَدُ َأَنَّ مُحَمَّدًا عَبْدُهُ وَرَسُوْلُهُ.  اَللَّهُمَّ صَلِّ وَسَلِّمْ عَلَى مُحَمَّدٍ وَعَلَى اَلِهِ وَأَصْحابِهِ وَمَنْ وَالاَهُ, وَمَنْ تَبِعَهُمْ بِإحْسَانٍ اِلَى يَوْمِ الْقِيَامَةِ.

 يَآَيُّهَا الَّذِيْنَ أَمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْن. يَآيُّهَا النَّاسُ اتَّقُوْا رَبَّكُمُ الَّذِيْ خَلَقَكُمْ مِّنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيْرًا وَنِسَآءً وَاتَّقُوْا اللهَ الَّذِيْ تَسَآءَلُوْنَ بِهِ وَاْلأَرْحَامَ إِنَّ اللهَ كَانَ عَلَيْكُمْ رَقِيْبًا. يَآيُّهَا الَّذِيْنَ ءَامَنُوْا اتَّقُوْأ اللهَ وَقُوْلُوْا قَوْلاً سَدِيْدًا, يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوُلَهُ فَقَدْ فَازَ فَوْزًا عَظِيْمًا.

يَآيُّهَا الَّذِيْنَ ءَامَنُوْا اتَّقُوْأ اللهَ وَقُوْلُوْا قَوْلاً سَدِيْدًا, يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوُلَهُ فَقَدْ فَازَ فَوْزًا عَظِيْمًا.

فَإِنَّ أَصْدَقَ الْحَدِيْثِ كِتَابُ اللهِ وَخَيْرَ الْهَدْيِ هَدْيُ مُحَمَّدٍ صَلَى اللهُ عَلَيْهِ وَسَلَّمَ وَشَرَّ اْلأُمُوْرِ مُحْدَثَاتُهَا وَكُلُّ مُحْدَثَةٍ بِدْعَةٌ وَكُلُّ بِدْعَةٍ ضَلاَلَةٌ وَكُلُّ ضَلاَلَةٍ فِيْ النَّارِ.

Hadirin Jama’ah Jum’ah rahimakumullah,

Sumangga kula dhèrèkaken sesarengan ngaturaken puji lan syukur dhumateng ngarsanipun Allah Subhanahu wa Ta’ala ingkang sampun maringi nikmat lan rahmat dhumateng kita sadaya, sahingga kita ing wekdal punika  saged kempal manunggal wonten ing  Baitullah punika  kanggé nindakaken shalat Jama’ah Jum’ah.

Salajengipun sumangga kita handedonga dhumateng Allah Subhanahu wa Ta’ala. , mugi-mugi shalawat lan salam tansah dipunparingaken  dhumateng junjungan kita Nabi Agung Muhammad salallahu ‘alaihi wasalam ingkang sadaya tindak tandukipun dados tuladha tumrap kita.

Hadirin  jama’ah Jum’ah ingkang tansah dipunmulyakaken Allah SwT.

Sedaya syari’at agami samawi ngaramaken kedzoliman, lan majibaken keadilan. Dzolim asalipun saking basa Arab ingkang tegesipun ndèlèhaken barang wonten ing sanès papan panggènamipun. Miturut makna istilah dzolim tegesipun nindakaken awisan saha nilar dhawuhipun  Allah Subhanahu wa Ta’ala.

Pramila saben-saben pandamelan ingkang nerak ugeran syari’at dipunsebat tumindak dzolim, lan kalebet tumindak dzolim ugi inggih punika nambah utawi ngirangi syari’at ingkang sampun dipuntetepaken déning Allah Subhanahu wa Ta’ala.

Hadirin  jama’ah Jum’ah ingkang tansah dipunmulyakaken Allah SwT.

Allah Subhanahu wa Ta’ala sampun ngutus para Rasul lan maringi tuntunan syari’at ingkang kaweca wonten ing Kitab-Ipun supados hanjejegaken keadilan tumrapipun hak Allah Subhanahu wa Ta’ala lan hakpiun tiyang saha hakipun sesami ngagesang.

Allah Subhanahu wa Ta’ala dhawuh:

لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَنْ يَنْصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ.

‘Satemené Ingsun wus ngutus rasul-rasul Ingsun kelawan nggawa bukti-bukti kang cetha lan wus Ingsun turunaké Al-Kitab bareng-bareng dhèwèké kabèh lan teraju (keadilan)  supaya manungsa bisa nandangi keadilan. Lan Ingsun gawé wesi kang ing dalem wesi iku ana pakuwatan kang gedhé lan pira-pira paedah kanggo manungsa, (supaya dhèwèké kabèh migunakaké wesi iku) lan supaya Allah mirsani sapa kang nulungi (agama-Nè) penjenenganè lan rasul-rasul-É, ing mangka Allah Maha Kuwat tur Maha Prakosa)” (QS. Al-Hadiid [57]: 25(.

Hadirin  jama’ah Jum’ah ingkang tansah dipunmulyakaken Allah SwT.

Kalebet haram hukumipun manawi satunggalipun tiyang dzolimi dhateng tiyang sanès sanajan ingkang dipundzolimi punika tiyang-tiyang non muslim.

Allah Subhanahu wa Ta’ala dhawuh:

يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ.  

“Hé wong-wong kang padha iman, sira supaya bisa dadi golongané wong-wong kang padha janjèkaké (perkara kang bener) kerana Allah,  dadiya seksi kang adil. Lan aja nganti gethingira marang sawijiné kaum kuwi ndadèkaké  sira ora dadi tumindak adil. Padha tumindak adhila, amarga tumindak adil kuwi bisa marekaké marang takwa. Lan padha pasraha marang Allah, satemené Allah kuwi Maha Mirsani marang apa waé kang sira lakoni.” (QS. Al-Maidah [5]:8).

Hadirin  jama’ah Jum’ah ingkang tansah dipunmulyakaken Allah SwT.

Mu’amalat ingkang dipunharamaken Allah Subhanahu wa Ta’ala punika jalaran wonten unsuripun kedzoliman, ing antawisipun; sadé barang najis, sadé barang  ingkang asalipun barang dipunharamaken, monopoli, korupsi, kolusi,  penipuan, pemalsuan merk dagangan lan sanès-sanèsipun.

Wondéné kedzoliman dhumateng hak-hakipun Allah Subhanahu wa Ta’ala ing antawisipun inggih punika bandha ingkang campur kaliyan hakipun Allah Subhanahu wa Ta’ala ingkang boten dipunbayaraken, kados zakat ingkang boten dipunbayaraken. Tumindak punika kelebet satunggalipun kedzoliman dhumateng hak-ipun Allah Subhanahu wa Ta’ala, lan bandha punika kelebet bandha haram ingkang kedah dipunbayaraken kanthi cepet.

Hadirin  jama’ah Jum’ah ingkang tansah dipunmulyakaken Allah SwT.

Islam dhateng kanthi bekta syari’at ingkang tumuju dhumateng para tiyang ingkang wajib zakat supados nindakaken kuwajiban zakat minangka salah satunggalipun rukun Islam, saha paring ancaman ingkang awrat dhumateng para tiyang ingkang bangkang boten kersa ngedalaken zakat. Kalebet dzolim dhumateng kaum dzu’afa’ ingkang boten wanton mendhet bandha ingkang dipungenggem lan dipunasta déning tiyang-tiyang ingkang sugih.

Kalebet kedzoliman ingkang sanget ageng inggih punika manawi wonten kaum fakir miskin tilem kanthi padharan ingkang kosong, lan badan boten manganggé ageman, ateges blogèg utawi boten klambèn. Kamangka Allah Subhanahu wa Ta’ala sampun paring panutan  dhumateng para tiyang-tiyang ingkang sugih wonten ing sakiwa tengenipun para kaum fakir supados hanyekapi kebetahan pokokipun para kaum fakir. Éwa semanten para tiyang-tiyang kasebat boten kersa bayaraken zakatipun.

Hadirin  jama’ah Jum’ah ingkang tansah dipunmulyakaken Allah SwT.

Kanthi katerangan singkat kasebat ing nginggil, pramila sampun cetha lan gamblang bilih zakat ingkang boten dipunbayaraken mujudaken bandha haram, sebab bandha haram punika badhé ngregeti lan kepara malah badhé musnahaken bandha lan badhé campur kaliyan bandha ingkang boten dipunbayar zakatipun.

Hadirin  jama’ah Jum’ah ingkang tansah dipunmulyakaken Allah SwT.

Bandha haram punika kedah dipunresiki kanthi cara ngétang zakatipun jumbuh kaliyan jenis bandha adhedhasar panutan syari’at babagan zakat. Manawi bandha kasebat taksih dipunmiliki, pramila wajib dipundalaken kanthi sacepetipun, lan sasampunipun mertobat dhumateng Allah Subhanahu wa Ta’ala saha janji boten badhé hamangsuli, lan ugi hanggetuni tumindakipun.

Manawi wonten tiyang wajib zakat kamangka dèrèng ngedalaken bandha haram punika, pramila dados kewajibanipun ahli warisipun ngedalaken zakat wonten ing tahun-tahun ingkang sampun, sadèrèngipun bandha kasebat dipunparingaken dhumateng para ahli warisipin. Gegayutan kaliyan bandha warisan punika Allah Subhanahu wa Ta’ala dhawuh kasebat wonten ing Al-Qur’an surat An-Nisa [4]:11 ingkang tegesipun makaten:

يُوصِيكُمُ اللَّهُ فِي أَوْلَادِكُمْ ۖ لِلذَّكَرِ مِثْلُ حَظِّ الْأُنْثَيَيْنِ ۚ فَإِنْ كُنَّ نِسَاءً فَوْقَ اثْنَتَيْنِ فَلَهُنَّ ثُلُثَا مَا تَرَكَ ۖ وَإِنْ كَانَتْ وَاحِدَةً فَلَهَا النِّصْفُ ۚ وَلِأَبَوَيْهِ لِكُلِّ وَاحِدٍ مِنْهُمَا السُّدُسُ مِمَّا تَرَكَ إِنْ كَانَ لَهُ وَلَدٌ ۚ فَإِنْ لَمْ يَكُنْ لَهُ وَلَدٌ وَوَرِثَهُ أَبَوَاهُ فَلِأُمِّهِ الثُّلُثُ ۚ فَإِنْ كَانَ لَهُ إِخْوَةٌ فَلِأُمِّهِ السُّدُسُ ۚ مِنْ بَعْدِ وَصِيَّةٍ يُوصِي بِهَا أَوْ دَيْنٍ ۗ آبَاؤُكُمْ وَأَبْنَاؤُكُمْ لَا تَدْرُونَ أَيُّهُمْ أَقْرَبُ لَكُمْ نَفْعًا ۚ فَرِيضَةً مِنَ اللَّهِ ۗ إِنَّ اللَّهَ كَانَ عَلِيمًا حَكِيمًا.

“Allah iku wus préntah marang sira kabèh ngenani urusané anak-anak ira kabèh (kang ditinggal mati déning wong tuwané) hiya iku: bagéyané anak lanang siji padha karo bagéyané anak wadon loro; lan kalamun anak iku kabèh wadon luwih saka loro, mula dhèwèké iku éntuk bagéyan rong protelan sangka bandha tinggalan; kalamun anak wadon iku mung siji waé, mula dhèwèké éntuk bagéyan separoné bandha. Lan kanggo wong tuwa loro ibu bapa, mula kabèh-kabèhé éntuk bagéyan sapranem sangka bandha kang ditinggalaké, kalamun kang mati iku duwé anak. Kalamun kang mati ora duwé anak, lan dhèwèké diwaris déning ibu-bapaké wahé, mula ibuné éntuk bagéyan sapratelon (sisané kanggo bapa kabèh). Kalamun kang mati mau duwé sadulur-sadulur, mulané ibuné éntuk sapranem, (sisané kanggo bapa). (Pembagiyan-pembagiyan kasebut ing dhuwur iku) sawisé ngleksanakaké wasiyaté mayit ngenani kanggoné bandha utawa (lan) sawisé ginawé nyaur utangé (mayit). Ngenani wongtuwanira lan anak-anakira, sira kabèh ora bisa mangertèni sapa ing antarané dhèwèké kabèh kang luwih apik (akèh) manfaaté tumrapira. Hiya iku katetepané sangka ngarsané Allah. Sejatiné Allah iku Dzat kang Mirsani tur Maha Wicaksana.” (QS.An-Nisa [4]:11).

Hadirin  jama’ah Jum’ah ingkang tansah dipunmulyakaken Allah SwT.

Ayat kasebat paring katerangan bilih warisan punika saged dipundum sasampunipun dipunbayaraken utang-utang si mayit. Zakat punika kalebet utang si mayit dhumateng Allah Subhanahu wa Ta’ala ingkang wajib dipunbayaraken dhumateng fakir miskin lan asnaf sanès-sanèsipun. Bandha punika kalebet bandha ingkang dipunpikoléh saking bandha haram.

Mugi Allah Subhanahu wa Ta’ala tansah paring pitedah saha pitulungan dhumateng kita sahingga kita dipuntebihaken mikoléh saking  bandha-bandha haram.

Amin Ya Rabbal ‘Alamin.

أَقُوْلُ قَوْلِيْ هَذَا وَأسْتَغْفِرُ اللهَ الْعَظِيْمَ, لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ مِنْ كُلِّ ذَنْبٍ فَاسْتَغْفِرُوْهُ, إِنَّهُ هُوَ الْغَفُوْرُ الرَّحِيْمُ.

-=(hms, 130916, 08.45)=-

AKIBAT BANDHA HARAM TUMRAP PRIBADI

AKIBAT BANDHA HARAM TUMRAP PRIBADI

السلام عليكم ورحمة الله وبركاته

اَلْحَمْدُ لِلَّهِ  الَّذِيْ هَدَانَا لِهَذَا وَمَا كُنَّا لِنَهْتَدَيَ لَوْلاَ أَنْ هَدَانَا اللهُ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَريْكَ لَهُ, وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَنَبِيَّ بَعَدَهُ. اَللَّهُمَّ صَلِّ وَسَلِّمْ وَباَرِكْ عَلَى نَبِيِّنَا مُحَمَّدٍ وَعَلَى اَلِهِ وَصَحْبِهِ وَمَنْ وَالاَهُ, وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ. أَمَّا بَعْدُ:  فَيَا عِبَادَ اللهِ أُصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ. قَالَ اللهُ تَعَالَى فِيْ الْقُرْأَنِ الْكَرِيْمِ: يَآَيُّهَا الَّذِيْنَ أَمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْن.

Hadirin Jama’ah Jum’ah rahimakumullah,

Sumangga kula dhèrèkaken sesarengan ngaturaken puji lan syukur dhumateng ngarsanipun Allah Subhanahu wa Ta’ala. ingkang sampun maringi nikmat lan rahmat dhumateng kita sadaya, sahingga kita ing wekdal punika  saged kempal manunggal wonten ing  Baitullah punika  kanggé nindakaken shalat Jama’ah Jum’ah.

Salajengipun sumangga kita handedonga dhumateng Allah SwT. , mugi-mugi shalawat lan salam tansah dipunparingaken  dhumateng junjungan kita Nabi Agung Muhammad saw. ingkang sadaya tindak tandukipun dados tuladha tumrap kita.

Hadirin  jama’ah Jum’ah ingkang tansah dipunmulyakaken Allah SwT.

Bandha haram punika saged ndhatengaken pangaribawa utawi dhampak ingkang awon tumrap pribadhi lan umat.

Ingkang kawastanan bandha haram inggih punika saben-saben bandha ingkang mujudaken pikolèh saking margi ingkang dipun-awisi déning syari’at.

Ing zaman modern punika tiyang gesang dipuntuntut numpuk-numpuk lan ngumpulaken bandha ingkang layak lan tenang kanggé ngadhepi wekdal ingkang badhé dumugi samangké lan khususipun kanggé putra-putra wayahipun.

Wonten ing wekdal punika tiyang sampun boten menggalih malih saking pundi  pikolèhipun bandha punika,  pikolèh saking margi ingkang halal punapa saking margi ingkang haram.

Rasulullah salallahu ‘alaihi wasalam ngendika:

لَيَأْتِيَنَّ عَلَى النَّاسِ زَمَانٌ, لاَيُبَالِي الْمَرْءُ بِمَا أَخَذَّ الْمَالُ, أَمِنْ حَلاَلِ أَمْ مِنْ حَرَمٍ.

“Bakal tumeka suwijining mangsa, wong-wong ora pedhuli sangka ngendi bandha kuwi dihasilaké, apa saka  dalan kang halal utawa saka dalan kang haram”. (HR. Bukhari).

Hadirin  jama’ah Jum’ah ingkang tansah dipunmulyakaken Allah SwT.

Gegayutan kaliyan babagan punika tiyang-tiyang kasebat dipunpérang dados 2 (kalih) pérangan, inggih punika:

1.      Sapérangan tiyang ingkang boten peduli menggalihaken kaidah Rabbani anggènipun ngupados bandha. Pérangan utawi golongan punika dipundhawuhi niti prika akidhah piyambakipun. Golongan utawi kelompok punika sampun handadosaken dinar lan dirham minangka sesembahanipun saha boten hanggatosaken aturanipun Allah Subhanahu wa Ta’ala.

2.      Sapérangan malih, inggih punika tiyang ngkang taksih hanggadhahi dhamir (manah) ingkang peka, hananging amargi wiwit alitanipun boten naté mangertosi lan nyinahu agami utaminipun babagan mu’amalat. Pramila pérangan punika inggih lajeng nerak paugeran syari’at agami anggénipun ngumpulaken bandha.

Hadirin  jama’ah Jum’ah ingkang tansah dipunmulyakaken Allah SwT.

Bandha haram ingkang dipunhasilaken déning tiyang-tiyang kasebat badhé handhatengaken akibat ingkang awon dhumateng tiyang ingkang nglampahi mliginipun lan tiyang sanès umumipun. Akibat awon kasebat saged dipunandharaken makaten:

1.      Dhahar lan hangginakaken bandha haram punika kalebet nggorohaken Allah Subhanahu wa Ta’ala saha dhèrèk lampahipun syéthan.

Allah Subhanahu wa Ta’ala dhawuh:

يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُبِينٌ

“Hé para manungsa! Padha mangana sira kabèh saking sadhéngah apa kang ana ing bumi, kang halal tur bagus; lan sira kabèh aja padha manut langkah-langkah syéthan; sebab syéthan iku musuh kang wus jelas kanggoné sira kabèh.” (QS. Al-Baqarah [2]:168)

Sasampunipun Allah Subhanahu wa Ta’ala handhawuhaken dhumateng sedaya tiyang supados pados bandha kanthi margi ingkang halal, salajengipun khusus Allah dhawuh dhumateng para rasul supados dhahar lan hangginakaken  bandha ingkang halal kémawon.

Allah Subhanahu wa Ta’ala dhawuh:

يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا ۖإِنِّي بِمَا تَعْمَلُونَ عَلِيمٌ

“Hé rasul-rasul, padha mangana sira kabèh panganan kang apik-apik lan padha ngamala sira kabèh kanthi ngamal kang shalèh. Sejatiné ingsun iku Mirsani apa kabèh kang sira lakoni.” (QS. Al-Mukminun [23]:51).

Dhahar saha hangginakaken bandha haram punika dados ciri lan tandhanipun tiyang Yahudi ingkang dipunabadhèkaken Allah Subhanahu wa Ta’ala wonten ing Al-Qur’an Al-Karim.

Allah Subhanahu wa Ta’ala dhawuh:

وَتَرَى كَثِيرًا مِنْهُمْ يُسَارِعُونَ فِي الإثْمِ وَالْعُدْوَانِ وَأَكْلِهِمُ السُّحْتَ لَبِئْسَ مَا كَانُوا يَعْمَلُونَ

“Lan seliramu bakal mirsani yèn akèh-akèhé wong (Yahudi) mau padha gegancangan nglakoni dosa, agawé sesatron lan padha mangan barang haram. Saktemené ala banget sekabèhing perkara kang padha dilakoni.” (QS. Al-Maidah [5]:62).

3.      Dhahar saha hangginakaken bandha haram mujudaken petaka ingkang sanget awon saha hanggegirisi kanggé tiyang ingkang saben-saben wekdal dhahar lan nglebetaken wonten ing padharanipun bandha ingkang haram.

Rasulullah salallahu ‘alaihi wa salam dhawuh:

يَا كَعْبَ بْنَ عُجْرَةَ, إِنَّهُ لاَ يَرْبُوْ لَحْمٌ نَبَتَ مِنْ سُحْتٍ إِلاَّ كَانَتِ النَّارُ أَوْلَى بِهِ.

“Hai Ka’ab bin Ujrah, satemené ora bakal thukul saben-saben daging kang diwènèhi asupan panganan kang haram kajaba neraka kang handuwèni hak ngobong.” (HR. Ahmad  lan Turmudzi).

4.      Dhahar saha hangginakaken bandha haram donganipun boten dipunijabahi Allah Subhanahu wa Ta’ala. Donga mujudaken inti ibadah shalat. Pramila manawi donga dipuntolak dipunkhwatiraken shalatipun tiyang ingkang dhahar bandha haram inggih badhé dipuntolak.

Rasulullah salallahu ‘alaihi wa salam dhawuh:

لاَ يَقْبَلُ اللهَ صَلاَةَ إمْرِئٍ فِيْ جَوْفَيْهِ حَرَامٌ.

“Allah ora bakal nampa shalat sawijining wong kang ing jero wetengé ana panganan haram.” (Hadits saka Ibnu Abba ra.).

5.      Bandha haram punika hanjalari saha handadosaken tumindak ino, tumindak nistho, saha handadosaken umat Islam wekdal samangké mundur.

Rasulullah salallahu ‘alaihi wa salam dhawuh:

إِذَا تبَايَعْتُمْ بِالْعِنَةِ, وَأَخَذْتُمْ أَذْنَبَ الْبَقَرِ, وَرَضِيْتُمْ بِالزَّرْعِ, وَتَرَكْتُمُ الْجِهَادَ, سَلَّطَ اللهُ عَلَيْكُمْ ذُلاًّ لاَ يَنْزِعُهُ حَتَّى تَرْجِعُوْا إِلَى دِنِكُمْ.

“Lamun sira nglakoni transaksi ribawi, manut lan tundhuk  karo bandha, ngagungaké tetanduran lan ninggalaké jihad, mula Allah Subhanahu wa Ta’ala bakal nurunaké kehinaan kang ora adoh saka sira nganti sira kabèh bali marang pranatan syari’at Allah Subhanahu wa Ta’ala.” (HR. Abu Daud).

6.      Bandha haram ingkang merajaléla perlambang azab badhé dumugi lan badhé hangrisak masyarakat ing pundi bandha haram punika wonten.

Rasulullah salallahu ‘alaihi wa salam dhawuh:

إِذَا ظَهَرَ الزِّنَا وَالرِّبَا فِيْ قَرْيَةٍ, فَقَدْ أَحَلُّوْا بِأَنْفُسِهِمْ عَذَابَ اللهِ.

“Lamun perzinahan lan riba meraléla ana sawijining kampung, temen dhèwèké wis ngundang azab tumrap dhèwèké.” (HR. Al-Hakim).

Hadirin  jama’ah Jum’ah ingkang tansah dipunmulyakaken Allah SwT.

Mekaten pangaribawanipun utawi dhampak lan akibatipun badha haram punika tumrap tiyang ingkang dhahar lan ngginakaken bandha haram, badhé ndrawasi sanget sahé tumrap pribadhi lan umat.

Awit saking punika sumangga kita ingkang waspada anggèn kita ngupados bandha, amrih wilujeng lan dipuntebihaken saking rubèda.

Kita makarya saha nyambut damel ingkang sregeb, setiti ngati ati, saha nggatosaken perkawis ingkang halal lan harom.

أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ, لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ مِنْ كُلِّ ذَنْبٍ فَاسْتَغْفِرُوْهُ, إِنَّهُ هُوَ الْغَفُوْرُ الرَّحِيْمُ.

-=(hms, 090916, 13.34)=-